കറുമ്പിയാട്‌

അനുഭവം കവിയിൽ മാത്രം സംഭവിക്കുന്ന ഒന്നല്ല. അയാൾക്ക് ചുറ്റിലും സംഭവിക്കുന്നത് കൂടിയാണ്. തന്റെ ചുറ്റുപാടുകളിലേക്കു തുറന്നിട്ട ആയിരക്കണക്കിനു കണ്ണുകളുണ്ട് ഈ കവി ഹൃദയത്തിൽ. ഇത്രയും ശക്തമായ കവിതകൾക്ക് ആമുഖമെഴുതാൻ എനിക്കു കിട്ടിയ നിയോഗത്തെ ഞാൻ ഭാഗ്യമായി കരുതുന്നു. ഈ കവി ഇരുട്ടിലേക്ക് എയ്യുന്ന വാക്കുകൾ നാളെ ഉദയങ്ങളുമായി തിരിച്ചുവരുമെന്നു ഞാൻ ഉറപ്പിക്കുന്നു. എത്ര ശക്തമായ അസ്ത്രമാണ് ഈ രചന. ജീവിതത്തിന്റെ കടലുകൾ കവിതയിൽ മുറിച്ചുവെക്കുന്ന കവിയെ വായനക്കാർക്ക് പരിചയപ്പെടുത്തുന്നതിൽ ഞാനേറെ സന്തോഷിക്കുന്നു. പവിത്രൻ തീക്കുനി