മുഹമ്മദ് നബിയുടെ മനുഷ്യാവകാശ പ്രഖ്യാപനങ്ങൾ അറഫാ പ്രഭാഷണം
മനുഷ്യാവകാശങ്ങളെ കുറിച്ച് ലോകം ചിന്തിക്കുന്നതിന്റെയും നൂറ്റാണ്ടുകൾക്കു മുമ്പാണ് പ്രവാചകരുടെ അറഫാ പ്രഭാഷണം. ലക്ഷക്കണക്കിന് ജനങ്ങളെ അണിനിരത്തിയാണ് പ്രവാചകൻ ലോകത്തെ ആദ്യ മനുഷ്യാവകാശ പ്രഖ്യാപനം നടത്തിയത്. ഓരോ മനുഷ്യന്റെയും സാമൂഹികവും സാമ്പത്തികവും ജൈവികവുമായ മുഴുവൻ അവകാശങ്ങൾക്കും സ്വാതന്ത്ര്യത്തിനും വേണ്ടിയുള്ള മനുഷ്യകുലം കണ്ട ഏറ്റവും അദ്വിതീയമായ ഇടപെടലായിരുന്നു അത്. ഇസ്ലാമിക രാഷ്ട്രങ്ങളിലും മുസ്ലിം സമൂഹത്തിലും ഈ അവകാശങ്ങൾ മാന്യമായി പരിഗണിക്കപ്പെട്ടു. മനുഷ്യാവകാശങ്ങൾ വകവെച്ചുനൽകുന്നതിൽ പാശ്ചാത്യ രാഷ്ട്രങ്ങൾ ഇപ്പോഴും പിന്നിലാണെന്നതാണ് യാഥാർഥ്യം. പ്രവാചകരുടെ അറഫാ പ്രഭാഷണത്തിന്റെ വെളിച്ചത്തിൽ, ഇസ്ലാം വിഭാവനം ചെയ്യുന്ന മനുഷ്യാവകാശങ്ങളെയും ഇസ്ലാമിനെ പ്രതിക്കൂട്ടിൽ നിർത്താൻ ശ്രമിക്കുന്ന പടിഞ്ഞാറിന്റെ അപചയങ്ങളെയും ചർച്ചചെയ്യുന്ന മലയാളത്തിലെ ആദ്യത്തെ പഠനമാണിത്.
