തിരുനബിയുടെ കുടുംബ ജീവിതം ആരോപണങ്ങളുടെ മറുപുറം
മുഹമ്മദ്നബിയുടെ ജീവിതം ജനമധ്യത്തിലായിരുന്നു. അവിടുത്തെ ജീവിതം എപ്പോഴും തുറന്നുവെച്ച പുസ്തകമായിരുന്നു. ശത്രുക്കൾ സദാ ജാഗരൂകരായി ചുറ്റും ഉണ്ടായിരുന്നു. ന്യൂനതയുടെ ഒരു തരിയെങ്കിലും ആരോപിക്കാൻ അവസരം കാത്ത് അവർ നടന്നു. എന്നിട്ടും, അവരിൽ ഒരാൾ പോലും ഉന്നയിച്ചിട്ടില്ലാത്തതാണ് ഇപ്പോൾ ചിലർ എയ്തു നോക്കുന്നത്. അങ്ങനെ വല്ലതും ഉണ്ടായിരുന്നെങ്കിൽ ശത്രുക്കൾ അന്നേ അത് ആയുധമാക്കുമായിരുന്നു. ആ ജീവിതം കൊണ്ട് നേടിയെടുത്ത സർവ വിജയങ്ങളും ചില്ലുകൊട്ടാരം പോലെ തകർന്നടിയാൻ അതു മാത്രം മതിയായിരുന്നു. എന്നാൽ, അതുണ്ടായില്ല. ചരിത്രത്തിൽ ഇന്നു വരെ ഒരാൾ പോലും ഉന്നയിച്ചിട്ടില്ലാത്ത ആരോപണങ്ങൾ വസ്തുതകൾക്കു മുമ്പിൽ പിടിച്ചു നിൽക്കില്ല. അവിടുത്തെ തേജോവധം ചെയ്യാനുള്ള ശ്രമങ്ങളുടെ ഭാഗമായാണ് അവിടുത്തെ ബഹുഭാര്യത്വവും കുടുംബ ജീവിതവുമെല്ലാം ചിലർ പ്രമേയമാക്കുന്നത്. സ്നേഹദൂതരുടെ ദാമ്പത്യ ജീവിതത്തെ ചുറ്റിപ്പറ്റി ഉന്നയിക്കപ്പെട്ടിരുന്ന വിമർശനങ്ങളെ തുറന്നു കാണിക്കുന്നതാണ് ഈ പുസ്തകം.
