മതരാഷ്ട്രവാദവും ഖിലാഫതും

ഖിലാഫത്ത്, ഖലീഫ എന്നീ സംജ്ഞകളെ തെറ്റിദ്ധരിപ്പിക്കാനുള്ള ശ്രമങ്ങൾ ഇന്ന് വ്യാപകമാണ്. തീവ്രവാദ പ്രസ്ഥാനങ്ങളാണ് ഈ ശ്രമങ്ങൾക്ക് പിന്നിൽ. ഖലീഫയായി സ്വയം പ്രഖ്യാപിക്കുന്നു, ഖിലാഫത്തിനായി യുദ്ധം ചെയ്യുന്നു, ഖിലാഫത്ത് സ്ഥാപിക്കാൻ ആയിരക്കണക്കിന് മുസ്ലിംകളെ തന്നെയും കൊന്നൊടുക്കുന്നു. ഈ ആശയധാരകളെ വിമർശനവിധേയമാക്കുകയും ഇസ്ലാമിന്റെ കാഴ്ചപ്പാട് വ്യക്തമാക്കുകയുമാണ് ഈ ഗ്രന്ഥം. ഖിലാഫത്ത്, ഖലീഫ, ഖലീഫയുടെ യോഗ്യതകൾ, തിരഞ്ഞെടുക്കേണ്ട രീതി, ഖിലാഫത്ത് നിർബന്ധമാകുന്നത് ആർക്ക്, എപ്പോൾ, മതേതര രാഷ്ട്രങ്ങളിൽ ജീവിക്കുന്നവരുടെയും മറ്റു മുസ്ലിംകളുടെയും ബാധ്യത, വിധികർത്താവ് അല്ലാഹു മാത്രം എന്നതിന്റെ വിവക്ഷ തുടങ്ങി ഒട്ടുമിക്ക വിഷയങ്ങളും വിശ്വ വിഖ്യാതരായ പണ്ഡിതന്മാരുടെ ആധികാരിക രചനകളുടെ അടിസ്ഥാനത്തിൽ വിശദീകരിക്കുന്നു.