കാവ്യവനിയിലെ ദലമർമരങ്ങൾ; അൽഖസ്വാഇദുൽ വിത്‌രിയ്യഃ

പ്രവാചകാനുരാഗിയും സ്നേഹഗായകനുമായിരുന്ന മുഹമ്മദ്ബ്നു അബീബക്ർ റശീദുൽ ബഗ്ദാദിയുടെ പ്രസിദ്ധമായ അനുരാഗ കാവ്യമാണ് വിത്‌രിയ്യ. സ്പെയിനിലൂടെ ദേശാടനം നടത്തുന്ന സമയത്താണ് പരിവ്രാജകനായ കവി ഈ വരികൾ കുറിക്കുന്നത്. പ്രണയവ്യഥയാൽ പ്രവഹിച്ച ഭാവസുന്ദരമായ വരികളാണ് വിത്‌രിയ്യയുടേത്. അറബി അക്ഷരങ്ങളുടെ എണ്ണമനുസരിച്ച് ഇരുപത്തി ഒമ്പത് കാവ്യങ്ങളാണ് വിത്‌രിയ്യയിലുള്ളത്. ഓരോ അക്ഷരം കൊണ്ട് തുടങ്ങി അതേ അക്ഷരത്തിലവസാനിക്കുന്ന അസാധാരണാനുഭവം.