സുൽത്താനേറ്റിലെ ചരിത്രരചന

മലയാള വായനാലോകത്ത് അധികം ചർച്ച ചെയ്യപ്പെടാത്ത ദൽഹി സുൽത്താനേറ്റ് കാലഘട്ടത്തിലെ ചരിത്രരചനകളിലേക്കും ചരിത്രകാരന്മാരിലേക്കും വെളിച്ചം വീശുന്ന അക്കാദമിക പ്രാധാന്യമുള്ള രചന. അൽബീറൂനിയുടെ 'കിതാബുൽ ഹിന്ദ്' മുതൽ സിയാവുദ്ദീൻ ബറനി, അമീർ ഖുസ്രു എന്നിവരുടെ കൃതികൾ വരെയും, കൊട്ടാര ചരിത്രങ്ങൾക്കപ്പുറം സൂഫി വചനങ്ങളും (മൽഫൂളാതുകൾ) ഈ പുസ്തകം സവിശേഷമായി വിശകലനം ചെയ്യുന്നു. ചരിത്രം വക്രീകരിക്കപ്പെടുന്ന സമകാലിക സാഹചര്യത്തിൽ, മധ്യകാല ഇന്ത്യയുടെ യഥാർത്ഥ ചിത്രം തേടുന്ന ചരിത്രവിദ്യാർത്ഥികൾക്കും ഗവേഷകർക്കും അവലംബിക്കാവുന്ന ലളിതവും ഹൃദ്യവുമായ കൃതി.