അൻസ്വാറുകൾ

ലോകം വായിച്ചുതീർത്തിട്ടില്ലാത്ത ചരിത്രാധ്യായമാണ് റസൂൽ(സ്വ) മദീനയിലെത്തിയ സന്ദർഭം. മദീനയുടെ അരക്ഷിതാവസ്ഥക്ക് അറുതിവരുത്തുന്ന വിമോചകനെയാണ് അവർ ആദ്യം ആഗ്രഹിച്ചത്. അഖബയിൽ റസൂലിനെ തേടി അവരെത്തിയത് ഈ വികാരത്തോടെയാണ്. പക്ഷേ, വിമോചകനെ നാട്ടിലേക്ക് കൂട്ടിക്കൊണ്ടുവരാൻ ഒരുങ്ങിയപ്പോൾ സ്ഥിതിഗതികളുടെ ഗുരുതരാവസ്ഥ അവരാദ്യമായറിഞ്ഞു. പലരോടും പിണങ്ങാൻ നിമിത്തമാകും ഈ ഏറ്റെടുപ്പ് എന്ന് അവരറിഞ്ഞു. പക്ഷേ, മദീന പതറിയില്ല. ഉറച്ചുനിന്നു. അവരുടെ ചങ്കുറ്റത്തിന്റെ കഥ.