ഇമാം ശാഫിഈയുടെ ജ്ഞാന യാത്രകൾ

മക്ക, മദീന, യമൻ, ഇറാഖ്, ഈജിപ്ത് തുടങ്ങിയ നാടുകളിലെ ജ്ഞാനഗോപുരങ്ങളായ പണ്ഡിതരെ തേടിപ്പിടിച്ച് വിജ്ഞാനങ്ങൾ സമ്പാദിക്കുകയായിരുന്നു ഇമാം ശാഫിഈ. ത്യാഗനിർഭരമായിരുന്നു ആ യാത്രകളൊക്കെയും. നൂറുകണക്കിനു ഗ്രന്ഥങ്ങളിലൂടെ, ആയിരക്കണക്കിന് ശിഷ്യന്മാരിലൂടെ, ലക്ഷക്കണക്കിന് അനുയായികളിലൂടെ ലോകം മുഴുക്കെ അറിവ് നിറക്കാനായിരുന്നു ആ ജീവിതദൗത്യം. വിജ്ഞാന സമ്പാദനമല്ലാതെ മറ്റൊന്നും ചിന്തിക്കാതെയായിരുന്നു ലക്ഷ്യം തേടിയുള്ള പ്രയാണം. അനാഥനായാണ് വളർന്നതെങ്കിലും ജ്ഞാനയാത്രയിലുടനീളം മാതാവിന്റെ കരുതലായിരുന്നു പ്രധാനം. ലോകത്തിന്റെ ആധികാരിക മുജ്തഹിദായി മാറിയ മഹാ ഗുരുവിന്റെ അന്വേഷണ വഴികളെ അടയാളപ്പെടുത്തുന്ന ഈ ഗ്രന്ഥം ജ്ഞാനസഞ്ചാരങ്ങൾ മാത്രമല്ല അനാവരണം ചെയ്യുന്നത്. ശൈശവം, ബാല്യം, വഫാത്ത് തുടങ്ങിയവയിലൂടെയെല്ലാം കടന്നുപോകുന്ന ലഘു ജീവിതയാത്ര കൂടിയാണീ പുസ്തകം.