ബീവി ഫാത്വിമ (റ)

ഒരു നാൾ കുറേ കുട്ടികൾ കൂടി തിരുനബിയുടെ തലയിൽ മണ്ണു വാരിയിട്ടു. മണ്ണ് പറ്റിയ തലയുമായി നബി(സ) വസതിയിലേക്ക് കടന്നുചെന്നു. നിലവിളിച്ചു കൊണ്ടോടിയെത്തിയ ഫാത്വിമ തല കഴുകി വൃത്തിയാക്കി. 'മോളേ... നീ കരയാതെ, നിശ്ചയം അല്ലാഹു മകളുടെ ഉപ്പയെ സംരക്ഷിക്കും.' മലഞ്ചെരിവിൽ നബികുടുംബത്തെ പട്ടിണിക്കിട്ടു. വിശന്നും ദാഹിച്ചും കഴിച്ചുകൂട്ടിയ ദിനരാത്രങ്ങൾ. ഫാത്വിമ മെലിഞ്ഞു വിളറി, കവിളൊട്ടി. വിശ്വാസത്തിന്റെ കരുത്തുകൊണ്ടവർ പരീക്ഷണങ്ങളെ അതിജയിച്ചു. ത്യാഗത്തിന്റെ, പരീക്ഷണങ്ങളുടെ അഗ്നിപർവങ്ങൾ താണ്ടിയാണവർ നാരീലോകത്തിന്റെ നായികാ പദവി സമ്പാദിച്ചെടുത്തത്.