സുഹൈറിന്റെ മുഅല്ലഖഃ

മൂന്നാമത്തെ മുഅല്ലഖയുടെ കർത്താവ് സുഹൈറിനെ എന്തുകൊണ്ട് 'കവികളുടെ കവി' എന്നു വിളിക്കുന്നു എന്നു ചോദിച്ചപ്പോൾ ഖലീഫാ ഉമർ(റ) പറഞ്ഞു: "അദ്ദേഹം വന്യമായ പദങ്ങളുപയോഗിക്കില്ല, വാക്കുകളിൽ കടുപ്പം വരുത്തില്ല, അറിയുന്നതേ പറയൂ, ഉള്ള സംഗതികളുടെ അടിസ്ഥാനത്തിലേ ആരെയും പ്രശംസിക്കുകയുള്ളൂ". അബസ്-ദുബ്‌യാൻ ഗോത്രങ്ങൾക്കിടയിൽ നാൽപതു വർഷത്തോളം നീണ്ടുനിന്ന ദാഹിസ് വൽ ഗബ്റാ യുദ്ധം അവസാനിപ്പിക്കാൻ മുന്നോട്ടുവന്ന രണ്ടു മധ്യസ്ഥരുടെ ശ്രമത്തെ ശ്ലാഘിച്ചു കൊണ്ടെഴുതിയതാണ് ഈ കാവ്യം. കവി കുടുംബത്തിലെ കാരണവരായ സുഹൈർ തത്വചിന്തകൻ കൂടിയായിരുന്നു. സുഹൈറിന്റെ മുഅല്ലഖയുടെ മനോഹരമായ വിശദീകരണവും കാവ്യാവിഷ്കാരവും.