ലോകം ചുറ്റുന്ന വായനകൾ
മക്കയിൽ നിന്ന് തുടങ്ങി, ആഫ്രിക്കയിലേക്കും യൂറോപ്പിലേക്കും അമേരിക്കയിലേക്കുമൊക്കെ നീളുന്ന വായനകളുടെ ലോകങ്ങളാണ് ഈ പുസ്തകത്തിൽ ഉൾക്കൊള്ളിച്ചിട്ടുള്ളത്. തുർക്കി ദെസൂഖി, ജുബ്രാ ഖലിൽ ജുബ്രാൻ, ഇ.സി ഔഫ്, ഖാലിദ് നൈജാരി, ഈസൻ സലൂമി തുടങ്ങി ഇതിലെ പല എഴുത്തുകാരും മലയാളികളുടെ വായനാമുറികളിലേക്ക് കടന്നുവരുന്നത് പ്രഥമമായിട്ടാവാം. അര ഡസൻ ഫലസ്തീനി എഴുത്തുകാരുടെ ജീവിതം വിവരിക്കുന്നുണ്ട് ഇതിൽ. ഫലസ്തീൻ രാഷ്ട്രീയം തന്നെയാണ് അവയുടെ ഉള്ളടക്കം. ഈജിപ്റ്റിന്റെ ചോരചിന്തുന്ന ദുരിത പ്രക്ഷോഭങ്ങളെ എഴുത്തുകാരിലൂടെ വിവരിക്കുന്നുണ്ട്. ഈജിപ്റ്റിന്റെ ചരിത്രവും സമകാലിക ജീവിതവുമാണ് അവയിലെ പ്രധാന വിഷയങ്ങൾ. വായനയോടും ഭാഷയോടുമുള്ള പ്രിയം കൊണ്ട്, ലോകത്തെ ഏറ്റവും പ്രധാനപ്പെട്ട പുസ്തകനഗരമായ കൈറോവിലേക്ക് ജീവിക്കാൻ പോയ, എം ലുഖ്മാന്റെ ആത്മാനുഭവങ്ങളും വായനാനുഭവവും കൂടിക്കലർന്ന എഴുത്തുകൾ.
