ശുജായി മൊയ്തുമുസ്‌ലിയാർ ധിഷണ സമരം അതിജീവനം

അറബിമലയാള സാഹിത്യത്തിൽ നിന്നും ശ്രദ്ധേയമായ നിരവധി രചനകൾ ഇതിനകം ഡോ.പി.സക്കീർ ഹുസൈൻ, അക്കാദമിക അച്ചടക്കത്തിനുള്ളിൽ നിന്നുകൊണ്ട് തന്നെ സൂക്ഷ്മമായി അപഗ്രഥിച്ചിട്ടുണ്ട്. ശുജായി മൊയ്തു മുസ്‌ലിയാർ ധിഷണ, സമരം അതിജീവനം എന്ന ഈയൊരു പുസ്തകവും ആയൊരു ധൈഷണിക ശ്രമത്തിന്റെ ഭാഗമാണ്. സംവാദങ്ങൾ നിലനിൽക്കെത്തന്നെ, ജീവിതം വിസ് തൃതമാവുന്നത്, സക്കീറിനെപ്പോലുള്ള ഗവേഷക പ്രതിഭകൾ നിർവ്വഹിക്കുന്ന ഇതുപോലുള്ള അന്വേഷണങ്ങൾക്കിടയിൽ വെച്ചാണ്. മാപ്പിള സാഹിത്യത്തിന് പ്രത്യേകമായും, അതുവഴി ഇനിയും വിസ്തൃതവും അഗാധവുമാവേ മലയാള സാഹിത്യത്തിന് പൊതുവായും ഡോക്ടർ പി.സക്കീർ ഹുസൈന്റെ ശുജായി മൊയ്തു മുസ്‌ലിയാർ എന്ന ശ്രദ്ധയർഹിക്കുന്ന ഈ ഗ്രന്ഥം ഊർജ്ജം പകരും. - കെ.ഇ.എൻ