പ്രതിരോധങ്ങൾക്ക് ഒരു ആമുഖം ഫലസ്തീൻ ചെറുത്തുനിൽപുകളുടെ സമ്പൂർണ ചരിത്രം
ഇബ്രാഹിം അബു ഥുറയ്യ. വിടർന്ന നീലയാണ് ആകാശം. ഭാരമില്ലാത്ത ബലവത്തായ കൈകൾ തോളുരസുകൾ തമ്മിലുരസുന്ന നൂലിനാൽ ആകാശം തൊടുന്നു. നെറ്റിയെ പാതി മറയ്ക്കുന്ന നീല പച്ച നിറമുള്ള ഫലസ്തീനി തൊപ്പി. ആ ഇരിപ്പിൽ, ഉയർത്തിയ കൈകൾക്ക് താഴെ സ്വന്തം ജനതയോടുള്ള പ്രതിബദ്ധതയാൽ, വിശ്വാസത്താൽ, തുടരാം ചെയ്ത ധീരതയാൽ വിരിഞ്ഞു നിന്ന ആ സെമി സെന്റർഫോർവേഡ്. അല്ല, സെന്റർ ബാക്ക് ആണ്. ഇബ്രാഹിം അബു ഥുറയ്യയെ ഇസ്രായേൽ സൈന്യം കൊന്നു. അബു ഥുറയ്യ ഈ പുസ്തകത്തിലില്ല. ഈ പുസ്തകം അബു ഥുറയ്യയുടെ ജീവിതത്തെയും മരണത്തെയും കുറിച്ചല്ല. കൊല്ലപ്പെടുമെന്ന് കണ്മുന്നിൽ ഉറപ്പുള്ള അബുവിന്റെ കണ്ണിൽ ആഴത്തിൽ കിടന്ന ഒരു ചോദ്യമുണ്ട്. എന്തിനാണ് ഞങ്ങളോടിത് ചെയ്യുന്നത്? നൂറ്റാണ്ടുകളായി ഫലസ്തീൻ ദേശത്തെ മനുഷ്യർ ആവർത്തിക്കുന്ന ചോദ്യം. ആ ചോദ്യത്തിന്റെ സമാന്തര പാതകളുടെ, ആ ചോദ്യത്തിന്റെ ചരിത്രവഴികളുടെ സമാഹാരമാണ് ഈ പുസ്തകം.
