ഇന്ത്യൻ ഭരണഘടന അതിജീവനത്തിന്റെ ആത്മകഥ

പതിറ്റാണ്ടുകൾക്കപ്പുറം രാജ്യത്ത് സംഭവിക്കാനിരിക്കുന്ന ആപത്കരമായ വഴിത്തിരിവുകളെക്കൂടി മുന്നിൽ കണ്ടിരുന്നു ഭരണഘടനാ ശില്പികൾ എന്ന് നിസ്സംശയം പറയാം. ദീർഘദൃഷ്ടികളായ മഹാമനീഷികളുടെ ധിഷണയും വൈഭവവും അത്യധ്വാനവുമാണ് ഇന്ത്യൻഭരണഘടനയുടെ മൂലധനം. ഇന്ത്യയെന്ന ഉൽകൃഷ്ടമായ ആശയത്തെ ഇന്നും സംരക്ഷിച്ചു നിർത്തുന്നത് ഭരണഘടനയാണ്. മതനിരപേക്ഷതയും ജനാധിപത്യവും ഇടർച്ചകൾ നേരിടുന്നുവെങ്കിലും ഇന്ത്യ തോറ്റുപോകില്ലെന്ന് ഭരണഘടന നമ്മെ ഓർമിപ്പിക്കുന്നു. ജനാധിപത്യം അധീരമായിപ്പോകുന്ന രാഷ്ട്രീയ നേരങ്ങളിൽ ആത്മവിശ്വാസത്തോടെ മുന്നോട്ടുപോകാൻ പ്രചോദിപ്പിക്കുന്ന പുസ്തകമാണിത്.