ഇബ്‌റാഹിം ഇബ്‌നു അദ്ഹം ചരിത്രകഥ

ഇബ്രാഹിം ഇബ്നു അദ്ഹം നടന്നു നടന്ന് ഒരു ശ്മശാനത്തിലാണ് എത്തിയത്. അവിടെ ഒരു മയ്യിത്ത് സംസ്കരണം നടക്കുന്നുണ്ട്. ആളുകളൊക്കെ നോക്കി നിൽക്കെ പെട്ടെന്ന് ഒരു ഖബർ പൊട്ടിപ്പിളർന്നു! അതിൽ നിന്നൊരാൾ പുറത്തേക്കിറങ്ങി വന്നു. 'അസ്സലാമു അലൈക്കും' ഖബറാളി ഇബ്രാഹിം ഇബ്നു അദ്ഹം(റ)ന് സലാം ചൊല്ലി. സംഭവം കണ്ട് അവിടെ കൂടിയവരെല്ലാം മിഴിച്ചു നിന്നു. അവർ ഖബറാളിയെയും ഇബ്നു അദ്ഹമിനെയും(റ) മാറിമാറി നോക്കി. 'എന്തിനാ പുറത്തിറങ്ങി പോന്നത്?' ഇബ്നു അദ്ഹം (റ) അയാളോടു ചോദിച്ചു. 'താങ്കളെ നേരിൽ കാണാനൊരു അവസരം തരണമെന്ന് ഞാൻ പടച്ചവനോട് പറഞ്ഞിരുന്നു. ഇപ്പോഴാണ് സാഹചര്യമൊത്തത്.' അധികാരത്തിന്റെ രാജകീയ സൗകര്യങ്ങളുപേക്ഷിച്ച് അല്ലാഹുവിന്റെ ഇഷ്ടദാസനായി മാറിയ ഇബ്രാഹിം ഇബ്നു അദ്ഹമിന്റെ ജീവിതകഥ.