ഇമാം മുസ്ത്വഫ അശ്ശത്വിയ്യ് ഇസ്‌ലാമികപാരമ്പര്യവും നവീനവാദവും

നശീകരണാത്മക പ്രത്യയശാസ്ത്രത്തെയാണ് മുസ്‌ലിം നവീന പ്രസ്ഥാനങ്ങൾ മുന്നോട്ടുവെക്കുന്നത്. പാരമ്പര്യ ബോധനങ്ങളെ ബോധപൂർവം തമസ്കരിച്ചു കൊണ്ട് വളർന്നുവരുന്ന ഇത്തരം മൂവ്‌മെന്റുകളുടെ ആശയാവലികളെ ചോദ്യം ചെയ്യുകയാണ് ഈ കൃതി. ഹമ്പലി മദ്ഹബിന്റെ ധൈഷണിക സ്രോതസ്സിൽ നിന്നു കൊണ്ടാണ് ഇമാം മുസ്ത്വഫ അശ്‌ശതിയ് നവീനവാദക്കാരുടെ നിലപാടുകളോട് നിഷേധാത്മകമായി ഇടപെടൽ നടത്തുന്നത്. പാരമ്പര്യ ആദർശത്തെ ഹ്രസ്വമായും സരളമായും പ്രതിപാദിക്കുന്ന ഈ പുസ്തകം തക്‌ഫീരിയൻ സാഹിത്യഗണത്തിന് (Heresiography) ഒരു സവിശേഷ സമ്പാദ്യമാവുമെന്നതിൽ സന്ദേഹമില്ല. മുസ്‌ലിം തിയോളജിക്കകത്തെ വഹ്ദതുൽ വുജൂദിനെ അന്വേഷിക്കുന്ന ഉപസംഹാര ഭാഗം വായനക്കാരെ ആധ്യാത്മിക ഉൾക്കാഴ്ചയിലേക്ക് പ്രചോദിപ്പിക്കാനുതകുന്നതാണ്.