മുഹമ്മദ് റസൂൽ ﷺ

1968, ആദ്യം മദീനയുടെ മനോഹാരിത മനസ്സിനെ പൊതിയുന്നത് അക്കൊല്ലമാണ്. അന്നനുഭവിച്ച ആത്മസായൂജ്യം മറക്കാനാകില്ല. സത്യവിശ്വാസികൾക്ക് അങ്ങനെയാണ്, നബിതങ്ങളുടെ സാന്നിധ്യം അറിയുമ്പോൾ അവർ സ്വയം മറന്ന് റസൂലിൽ ചേരും. മദീനയുടെ മണ്ണ് അത്രകണ്ട് അവരുടെ കണ്ണിന്റെയും ഖൽബിന്റെയും അഭിലാഷമാണ്. നബി(സ)യുടെ ഓർമകളാണ് ആ മണ്ണും ആ അന്തരീക്ഷവും നിറയെ. നടന്നുനീങ്ങിയ വഴികൾ. വിശ്രമിച്ച ഇടങ്ങൾ. വിയർപ്പൂറ്റിയ ഈന്തപ്പനത്തോട്ടങ്ങൾ... മദീന സൃഷ്ടിക്കുന്ന പൂമണം വിശ്വാസികൾക്ക് ജീവശ്വാസമാണ്. മദീന സ്നേഹത്തിന്റെ ആരാമമാണ്. റസൂലിന്റെ വരവോടെ നന്മയെ സ്നേഹിക്കുന്ന ഒരു സമൂഹം അവിടെ രൂപപ്പെട്ടു. മനുഷ്യന്റെ മനോഭാവത്തിൽ മൗലികമായ മാറ്റം വരുത്തിയാണ് റസൂൽ(സ) സ്നേഹ സമൂഹം സൃഷ്ടിച്ചത്. വിശ്വസമുദ്ധാരകരായ ഗുരുഭൂതരുടെ ജീവിതത്തിലൂടെ ഈ ഗ്രന്ഥം ആധികാരികമായ സഞ്ചാരം നടത്തുന്നു.