ഇമാം റാസി(റ)

ഗ്രീക്ക് ചിന്തകൾ ഇസ്‌ലാമിക വിചാരതലങ്ങളെ വിചാരണവിധേയമാക്കാൻ ശ്രമിക്കുകയും മുസ്‌ലിം ചിന്തയിൽ സ്വാധീനമുണ്ടാക്കാൻ ഉന്നം വെക്കുകയും ചെയ്തപ്പോൾ ഇമാം റാസിയുടെ(റ) ബൗദ്ധികമായ ഇടപെടൽ ഉലമാ ആക്ടിവിസത്തിന്റെ ധൈഷണിക മുഖം മുന്നോട്ടുവെച്ചു. ഇസ്‌ലാമിക ചിന്താലോകത്ത് അനിവാര്യമായ ഈ രംഗപ്രവേശം ഇമാം റാസിയെ(റ) രണ്ടാം ഗസ്സാലിയാക്കി മാറ്റി. ജ്ഞാനവൈവിധ്യങ്ങളുടെ നിലവറകൾ കൈവശപ്പെടുത്തിയാൽ മാത്രം നേടാവുന്ന ഒരു പ്രതിരോധമേഖലയിലേക്കാണ് ഇമാം റാസി(റ) ധീരമായി കടന്നുചെന്നത്. ജ്ഞാനവൈവിധ്യങ്ങളുടെ ഇമാമായിരുന്നു അദ്ദേഹം. ഇമാം റാസിയുടെ(റ) ജീവിതവും ദർശനവും സമരവും യാത്രയുമെല്ലാം അടയാളപ്പെടുത്തുന്ന പ്രൗഢരചന.