ഉറുമാൽ

നമുക്ക് പരിചിതരായ മനുഷ്യരും സംഭവങ്ങളുമൊക്കെ തന്നെയാണ് ഈ പുസ്തകത്തിൽ. നിഷ്കളങ്കതയുടെ സൗന്ദര്യമാണ് ഈ എഴുത്തിന്റെ മനോഹാരിത. ലളിതവും ഹൃദയത്തെ തൊടുന്നതുമായ ഭാഷ അതിന് മാറ്റ് കൂട്ടുന്നു. വാത്സല്യവും കുസൃതിയും സ്നേഹവും വേവലാതിയുമൊക്കെ ഇതിൽ നിറഞ്ഞുനിൽക്കുന്നു. അവനവന്റെ മുരിങ്ങാച്ചോട്ടിൽ നിന്ന് ആകാശം മാത്രമല്ല ഈ എഴുത്തുകാരി കാണുന്നത്. അടുക്കളയിലും അയൽപക്കങ്ങളിലുമൊക്കെ കാണുന്ന ജീവിതങ്ങളിൽ നിന്ന് എഴുത്തിനുള്ള വിഷയങ്ങൾ സൂക്ഷ്മമായി കണ്ടെടുത്ത് ഉള്ളിൽതട്ടുംവിധം അവതരിപ്പിക്കുകയാണ്. - നജീബ് മൂടാടി