ഇസ്‌ലാം സാംസ്‌കാരിക സാധ്യതകൾ

യു എസിലെ മുതിർന്ന ഇസ്‌ലാമിക പണ്ഡിതൻ. 1948ൽ കൊളംബസിലെ പ്രൊട്ടസ്റ്റന്റ് കുടുംബത്തിൽ വൈമാൻ ലാൻഗ്രാഫ് എന്ന പേരിൽ ജനനം. 1970ൽ ഇസ്‌ലാം ആശ്ലേഷിച്ചു. വിവിധ ഇസ്‌ലാമിക രാഷ്ട്രങ്ങളിൽ സഞ്ചരിച്ചു. അവിടങ്ങളിലെ പാരമ്പര്യ പണ്ഡിതരെ ഗുരുക്കളാക്കി. യൂണിവേഴ്സിറ്റി ഓഫ് മിസ്സോറിയിൽ നിന്ന് ഇംഗ്ലീഷ് സാഹിത്യം, ചരിത്രം എന്നിവയിൽ ബിരുദം. യൂണിവേഴ്സിറ്റി ഓഫ് ഷിക്കാഗോയിൽ നിന്നും ഇസ്‌ലാമിക നിയമശാസ്ത്രത്തിലാണ് പി എച്ച് ഡി. വിൻഡ്സോർ, ടെമ്പിൾ, മിഷിഗൻ, കിംഗ് അബ്ദുൽ അസീസ് തുടങ്ങിയ യൂണിവേഴ്സിറ്റികളിലും മറ്റനേകം സ്ഥാപനങ്ങളിലും അധ്യാപനം നടത്തി. രണ്ടായിരത്തിൽ യു എസിൽ തിരിച്ചെത്തി നവവി ഫൗണ്ടേഷൻ എന്ന ഗവേഷണ സ്ഥാപനവുമായി ബന്ധപ്പെട്ട് പ്രവർത്തിച്ചു. നിലവിൽ ഷിക്കാഗോയിലെ ഒയാസിസ് ഇനിഷ്യേറ്റീവിന്റെ നേതൃരംഗത്തു പ്രവർത്തിക്കുന്നു. യു എസ്, കാനഡ, യൂറോപ്പ്, വെസ്റ്റ് ആഫ്രിക്കൻ രാഷ്ട്രങ്ങൾ എന്നിവിടങ്ങളിൽ ദഅ്‌വാ പ്രവർത്തനങ്ങൾക്ക് നേതൃത്വം നൽകുന്നു. ഇസ്‌ലാമിക ദൈവശാസ്ത്രം, സൂഫിസം, നിയമശാസ്ത്രം, ചരിത്രം എന്നിവയിൽ അനേകം രചനകൾ നടത്തിയിട്ടുണ്ട്. പ്രധാന കൃതികൾ: A Muslim in Victorian America: The Life of Alexander Russell Webb (2006), Malik and Medina: Islamic Legal Reasoning in the Formative Period (2013), Al-Iman Fitrah (Dar Al Faqih, 2014).