വിശ്വാസികളുടെ മനഃശാസ്ത്രം

മനുഷ്യന്റെ മാനസിക, സാമൂഹിക വ്യവഹാരങ്ങൾ അടക്കം നിഖില മേഖലകളെയും ആധുനിക മനഃശാസ്ത്രം പഠന വിധേയമാക്കുന്നുണ്ട്. വിശ്വാസം, ആത്മീയത, മതകീയത തുടങ്ങിയ മനുഷ്യന്റെ മനസ്സിനെയും ആത്മാവിനെയും തൊട്ടുണർത്തുന്ന തലങ്ങളെ മനഃശാസ്ത്രം പലപ്പോഴും ഉപരിപ്ലവമായും പടിഞ്ഞാറൻ അളവുകോലുകൾ കൊണ്ടുമാണ് അളക്കാറുള്ളത്. എന്നാൽ, വിശ്വാസി സമൂഹങ്ങളുടെ ആത്മീയവും വൈയക്തികവുമായ സവിശേഷതകളെ പാരമ്പര്യ ഇസ്‌ലാമിക വൈജ്ഞാനിക സാഹിത്യങ്ങളിൽ നിന്നും ഇസ്‌ലാമിക ജീവിത രീതി പരിസരത്തു നിന്നുകൊണ്ടും ആധുനിക മനഃശാസ്ത്ര സങ്കേതങ്ങൾ ഉപയോഗിച്ച് മനസ്സിലാക്കാൻ ശ്രമിക്കുകയാണ് ഈ പുസ്തകത്തിലൂടെ.