പച്ചമതം

ലോകം അവസാനിക്കുമെന്നറിയുന്ന സമയത്തും ഒരു തൈ കയ്യിലവശേഷിക്കുന്നുവെങ്കിൽ അത് നടുന്നതിലാണ് വിശ്വാസി ശ്രദ്ധ വെക്കേണ്ടതെന്നാണ് ഇസ്‌ലാമികപാഠം. അകാരണമായി ഒരു മരത്തിന്റെ കടയ്ക്കലെങ്കിലും മഴു വെച്ചവൻ തലകീഴായി കിടന്ന് നരകശിക്ഷ ഏറ്റുവാങ്ങേണ്ടിവരുമെന്നാണ് ഇസ്‌ലാമിലെ പ്രവാചകന്റെ ശാസന. മനുഷ്യന് വാസയോഗ്യമാക്കി തന്ന ഭൂമിയിൽ നിങ്ങൾ കുഴപ്പങ്ങൾ സൃഷ്ടിക്കരുത് എന്ന് ഖുർആൻ താക്കീതു നൽകുകയും ചെയ്യുന്നുണ്ട്. മണ്ണ്, പർവതം, ജലം, നദി, മരങ്ങൾ, കൃഷി എന്നിങ്ങനെ പരിസ്ഥിതിയും വിശ്വാസിയും ചേർന്നു നിൽക്കേണ്ട പരിസരങ്ങളെക്കുറിച്ചുള്ള ഇസ്‌ലാമിക പാഠങ്ങളിലേക്ക് ഗൗരവപൂർവം വിരൽ ചൂണ്ടുകയാണ് ഈ കൃതി.