നേതൃത്വം എന്നത് ഒരു വലിയ ഉത്തരവാദിത്തമാണ്. ഒരു സംഘടന വിജയിക്കുന്നത് അതിനു നേതൃത്വം നൽകുന്നവരുടെ ചിന്തയുടെയും കരുത്തിന്റെയും ഫലമായാണ്. ഒരു യഥാർഥ സംഘാടകന്റെ മുഖ്യ ശ്രദ്ധ തന്റെ സംഘത്തെ ഭാവിയിലേക്ക് നയിക്കുന്നതിലും പ്രസ്ഥാനത്തിന്റെ ലക്ഷ്യം നേടുന്നതിലും ആയിരിക്കണം. സംഘർഷങ്ങളും വെല്ലുവിളികളും തരണം ചെയ്തു മാത്രമേ ലക്ഷ്യത്തിലേക്ക് എത്താനാവൂ. ഒരു സംഘാടകൻ ഏറ്റവും നന്നായി ശോഭിക്കുന്നത് താൻ നയിക്കുന്ന പ്രസ്ഥാനത്തിന്റെ താൽപര്യം ഏറ്റവും പ്രധാനമായി കാണുമ്പോഴാണ്. സംഘടനയ്ക്കകത്ത് ഏൽപ്പിക്കപ്പെട്ട ചുമതലകൾ നീതിപൂർവം നിർവഹിക്കേണ്ട ബാധ്യതയാണെന്നും അതിന് ആവശ്യമായ ഗുണങ്ങൾ സ്വയം ആർജിച്ചെടുക്കാൻ കഴിയേണ്ടതുണ്ടെന്നും അപ്പോൾ മാത്രമാണ് നേതൃധർമം പുലരുന്നത് എന്നും ഈ പുസ്തകം ചർച്ച ചെയ്യുന്നു.
