ആരിഫബീവിയുടെ കൺകെട്ട് വിവാഹം

കവിയും അധ്യാപകനും അക്കാദമികനുമായ സി എച്ച് ഇബ്റാഹീംകുട്ടി മാസ്റ്റർ അറബിമലയാളത്തിലേക്കു ദ്വിഭാഷ്യംചെയ്ത ബംഗാളിനോവലിന്റെ പുനരാഖ്യാനവും പുനർവായനയും. കൊളോണിയൽ ആധുനികത തുറന്നുവിട്ട അമിത പരിഷ്ക്കാരഭ്രമത്തിനും സ്ത്രീസ്വത്വത്തെ പാടെ നിരാകരിക്കുന്ന സാംപ്രദായിക മനോഭാവങ്ങൾക്കുമപ്പുറം അന്തസ്സും ഉൾക്കരുത്തുമുള്ള സ്ത്രീജീവിതം സാധ്യമാണ് എന്ന് ഉദ്ബോധിപ്പിക്കുന്ന നോവൽ. മലയാളിസമൂഹം ആധുനികതയിലേക്ക് ചുവടുറപ്പിക്കുന്ന ഇരുപതാം നൂറ്റാണ്ടിന്റെ ആദ്യപകുതിക്കൊടുവിൽ പ്രത്യക്ഷപ്പെടുന്ന ഈ നോവൽശിൽപം പല വഴികളിലൂടെ സഞ്ചരിച്ച നവോത്ഥാനഭാവന കേരളീയ മുസ്‌ലിംങ്ങൾക്കിടയിൽ ഇടപെട്ടതിന്റെ ഒരു നേർക്കാഴ്ചയായി അനുഭവവേദ്യമാക്കുന്ന സമർപ്പണം.