നൈലിന്റെ പുത്രൻ

ഫറോവയുടെ സ്വപ്നം ഉറക്കം കെടുത്തുന്നതായിരുന്നു. തന്റെ സാമ്രാജ്യം കടപുഴക്കിയെറിയാൻ ഒരു പ്രവാചകൻ ഉദയം ചെയ്യാനിരിക്കുന്നുവെന്നതായിരുന്നു സ്വപ്നം. പിറന്നു വീഴുന്ന കുഞ്ഞുങ്ങളെ മുഴുവനും കൊന്നൊടുക്കി കിരീടം സംരക്ഷിക്കാൻ ഫറോവ ഉത്തരവിട്ടു. ഈജിപ്റ്റിലൂടെ ഇളം ചോര ചാലിട്ടൊഴുകി. എല്ലാ ചാരസംവിധാനങ്ങളെയും മറികടന്ന് മൂസാ പ്രവാചകൻ ജനിച്ചു. പൊന്നോമനയുടെ ജീവൻ രക്ഷിക്കാൻ ഉമ്മ കുഞ്ഞിനെ പെട്ടിയിലടച്ച് നൈൽ നദിയിലൊഴുക്കി. ഒടുവിൽ ഫറോവയുടെ ശത്രു ഫറോവയുടെ കൊട്ടാരത്തിൽ തന്നെ ജീവിച്ചു. സ്തോഭജനകമായ മൂസാ പ്രവാചകൻ്റെ പ്രബോധന ജീവിതം.