അടുത്തുകൂടേ, ആകാവുന്നിടത്തത്തോളം

കലാരനായ രാമൻ മാഷ് സ്വന്തം കൈകൊണ്ട് അറബിയിൽ ‘അല്ലാഹ്’ എന്ന് വരച്ച് ഫ്രെയിം ചെയ്ത ഫോട്ടോയാണ് ആവോലത്തുള്ള വീട്ടിൽ കുടുംബസമേതം ചെന്നപ്പോൾ എനിക്ക് പാരിതോഷികമായി നൽകിയത്. അതാണ് ഇപ്പോൾ എന്റെ വീടിന്റെ പൂമുഖത്ത് തൂക്കിയിട്ടിരിക്കുന്നത്. വിശ്വാസങ്ങൾ വ്യത്യസ്തമായിരിക്കുമ്പോഴും മനുഷ്യൻ എന്ന ബിന്ദുവിൽ നമുക്കൊന്നിച്ചു നിൽക്കാമെന്നും ആ ഒരുമക്ക് ഉരുക്കിനേക്കാൾ ഉറപ്പുകാണുമെന്നും ആ ഉറപ്പിനെ തകർക്കാൻ വർഗീയ ചിന്തയുടെ ചെള്ളുബാധകൾക്കാകില്ലെന്നുമാണ് ഈ സൗഹൃദങ്ങൾ ഉറക്കെപ്പറയുന്നത്.